Ginpakigbahin sang Capiz Police Provincial Office ang numero sang mga nabalhag nga aksidente sa dalanon sang tuig 2025.
Sa interview sang Bombo Radyo kay Police Captain Merry Chris Dela Cruz, spokesperson sang Capiz Police Provincial Office, iya ginpahayag nga ang nasambit nga datos ang humalin bulan sang Enero tubtob bulan sang Disyembre.
Suno kay Police Captain Dela Cruz, natunga sa tatlo ka bahin ang mga aksidente sa dalanon kaangay sang reckless imprudence resulting to homicide nga nakabalhag sang 35 ka patay, reckless imprudence resulting to physical injury nga may yara sang 680 ka kaso kag reckless imprudence resulting to damage to properties nga may yara nga 967 nga ginakabug-usan sang 1,682 tanan nga insidente.
Pahayag pa niya, sa bug-os nga probinsya sang Capiz, ang syudad sang Roxas ang may pinakdamu nga kaso nga yara sa 494 tanan ka mga insidente.
Nagapadayon man ang pagpasangkad sang talatapan sang ila enforcement kasubong sang pagpatigayon sang checkpoint, kag paglibot sa kada bahin sang probinsya agud ipahibalo nga kinahanglan mangin isa ka responsible nga motorista.
