CAPIZ – Nangin madinalag-on ang paglunsyar sang programa sang Capiz Police Provincial Office kadungan sang Valentines day sang February 14.
Sa interview sang Bombo Radyo kay Police Major Rachelle Garnica, public Information Officer sang Capiz Police Provincial Office, iya ginpahayag nga ang amo nga proyekto amo ang “Project KUPIDOS” ukon Komunidad at Pulis Magkakaisang Puso Dulot ay Magandang Oportunidad at Seguridad ng Lahat” kun sa diin nagpanghatag ang mga kapulisan sa nagkalainlain nga istasyon sang bulak sa tanan nga mga babayi nga motorista, commuter kag pumuluyo.
Suno kay Garnica, tinutuyo sang amo nga proyekto amo ang mapasanyog pa ang relasyon sang kapulisan kag publiko.
Pahayag pa niya, nagapamag-an sa tagipusuon ang yuhom sang tanan nga nagbaton sang bulak kag chocolate gikan sa mga pulis.
Dugang pa sang natungdan, magapadayon ang ila pagserbisyo sa pagpabilin sang kalinong kag katawhay sang palibot.
