Daku ang kalipay sang isa ka Capiznon matapos sini nga makuha ang Guiness Book of World Record sa Dubai, United Arab Emirates.
Sa interview sang Bombo Radyo kay Lorie Vacaro,tumadok sang banwa sang Jamindan, iya ginpahayag nga wala niya gina-ekspektar nga makuha niya ang nasambit nga kadungganan.
Suno kay Vacaro, tuig 2019 sang nagpadulong ini sa Dubai agud nga mag trabaho kag didtu natun-an ang
pagpang gunting.
Nahibaluan nga 197 ka indibidwal ang iya sini nga gin-shave kag
gin-trim sa sulod sang isa ka oras rason nga nakuha niya ang Guinness World Records bilang opisyal nga Most Consecutive Beards Shaved/Trimmed in One Hour (Team).
Pahayag pa niya, ang iya kapisan sa paghanas amo ang nangin yabi sang iya kadalag-an.
Nagpasalamat man ang natungdan sa tanan nga nagsuporta sa iya sa ini nga kompetisyon ilabi na sa iya nga pamilya.
Interviewed by: Bombo Sunnie Mae Batencila
