Magalunsar sang joint military drills ang Chinese military sa palibot sang Taiwan subong nga adlaw.
Ini man ang kabahin sang hugot nga paandam batok sa external interference forces kasunod sang ginreport nga pagbaligya sang armas sang US sa Taiwan nga gina-claim sang China nga kabahin sang ila teritoryo.
Kon sa diin lakip sa mga igadeploy sang Chinese military ang ila ng air, navy kag rocket troops.
Sa isa ka pahayag, ginpahog ni Japanese Prime Minister Sanae Takaichi nga posible magpatunga ang ila militar kon maghimo sang aksyon ang China batok sa Taiwan.
Base sa spokesperson sang People’s Liberation Army’s Eastern Theatre Command, Senior Col. Shi Yi, ang military drills nga may code name nga “Justice Mission 2025” pagahiwaton sa Taiwan Straits kag sa mga lugar sa north, southwest kag east sang isla. Dugang pa ni Shi nga ang mga hilikuton nasentro sa sea-air combat readiness patrol, joint seizure of comprehensive superiority, blockades ukon mga pagbalabag sa mga mayor nga pantalan kag pagpugong sa guwa sang island chain.
