Nasiplatan ang Chinese research vessel nga Ke Xue San Hao sa Recto Bank ukon Reed Bank nga manggaranon sa reserba nga langis kag gas kasunod sang ila nga adlaw nga pagpanakayun sini sa iban nga mga bahura kag shoals sa West Philippine Sea kalakip na sa Sabina shoal.
Base sa monitoring ni US maritime security expert Ray Powell, nagsulod ang nasambit nga barko sang China sa nabagatnan nga parte sang Recto Bank takna alas 10:30 sang gabi sadtong Huwebes, Agosto 8.
Sa pihak sa manggaranon ini sa mga yamang dagat sa Recto Bank nga sulod sa exclusive economic zone sang Pilipinas, indi ini mapuslan sang pungsod bangud sa maritime dispute sini sa China.
Ini ang isa sa underwater reef formation nga ginapatihan nga may yara sang 5.4 bilyon nga bariles sang oil kag 55.1 trillion cubic feet sang nasambit nga gas base sa 2013 report sang US Energy Information Administration.
