Ang Commission on Human Rights (CHR) magabuligay sa COMELEC sa pagpasanyog sang tawhanon nga kinamatarong sa proseso sang eleksyon, kadungan sang liwat nga pagpatuman sang kampanya sang Bantay Karapatan sa Halalan (BKH).
Suno kay CHR Chairperson Richard Palpal-latoc, ang palaabuton nga election sa Mayo 12 ang kinahanglan nga mangin pamatuod sang isa ka malimpyo, patas, kag makatarungan nga demokratiko nga proseso.
Ang BKH nagatinguha nga mapasangkad ang partisipasyon sang mga pumuluyo sa pagboto, ilabi na ang mga may kasablagan, mga tigulang, mga tumandok, kag ang mga yara sa prisohan.
Samtang, liwat nga ginpirmahan sang CHR kag sang Armed Forces of the Philippines (AFP) ang nasambit nga kasugtanan agud mapabaskog ang pagpalapta sang ihibalo sa tawhanong kinamatarong sa militar.
Ginpabaskog man sang CHR kag AFP ang transparency pinaagi sa Data-Sharing Agreement, nga nagatuyo nga mapadasig ang digital processing sang CHR clearances kag mapabaskog ang kooperasyon sa pagsabat sa mga kaso sang paglapas sa tawhanong kinamatarong.
