ROXAS CITY-Naglab-ut na sa 619 ang kabug-osan nga kaso sang corona virus disease 2019 ukon COVID-19 sa probinsiya.
Sandig sa ginpaguwa nga case bulletin sang Capiz Provincial Health (PHO), nadugangan sang 26 ka mga panibag-o nga kaso ang probinsiya kun sa diin 17 diri ang gikan sa Roxas City, tig duha sa banwa sang Pontevedra kag Pilar, kag tig isa sa banwa sang Sigma, Ivisan, Jamindan, Maayon kag Sapian.
Sa kabug-osan nga nagpositibo, 169 diri ang mga suspect case, 97 ang mga Locally Stranded Individuals (LSI),39 ang mga Returning Overseas Filipinos (ROF), 258 ang mga High Risk Contacts, kag 56 ka iban pa nga mga indibidwal.
421 diri ang ginakabig mga active cases ukon padayon nga ginabulong sa mga ospital.
Samtang naglab-ut na sa 421 ang mga nag-ayo na sa amo nga balatian kag nagapabilin sa 33 ang ginbawian na sang kabuhi.
