ROXAS CITY-Naglab-ut na sa 181 ang kabu-osan nga kaso sang corona virus disease 2019 ukon COVID-19 sa siyudad sang Roxas.
Sandig sa ginpaguwa nga official statement ni Roxas City Mayor Ronnie Davidas, 12 ka mga panibag-o nga kaso ang nagdugang sa siyudad kahapon nga adlaw kun sa diin 4 diri sa nagpositibo ang lunsay mga health workers nga may yara sang close contact sa nagpositibo sa amo nga sakit.
Ang 12 ka mga nagpositibo ang ginakalakipan sang mga masunod:
1.25-anyos nga babaye nga Health worker sa RMPH kag residente sang Pinesville Urban, Barangay Bato, Roxas City.
2. 33-anyos nga babaye nga Health worker sa isa ka pribado nga ospital kag residente sang Villa Alegria,Barangay Punta Tabuc, Roxas City.
3. 25-anyos nga babaye nga Health worker sa isa ka pribado nga ospital kag residente sang Sitio Ilawod, Barangay Sibaguan, Roxas City.
4. 22-anyos nga babaye nga Health worker sa isa ka pribado nga ospital kag residente sang Sitio Proper, Barangay Bolo, Roxas City.
5. 29-anyos nga lalaki nga residente sang Mason, Barangay, Banica Roxas City kag close contact sang nauna na nga positive case.
6.49-anyos nga lalaki nga residente sang Luna Novicio St, Barangay 1, Roxas City close contact sang nauna na nga positive case.
7. 43-anyos nga babaye nga residente sang Jimenez Subdivision, Barangay Gabuan, Roxas City kag close contact sang nauna nga positive case.
8. 6 ka tuig nga lalaki nga residente sang Legazpi Ilawod, Barangay 5, Roxas City kag Anak sang nauna na nga nagpositibo sa amo nga balatian.
9. 43-anyos nga babaye kag residente sang Blk. 2, Malipayon Village Barangay Tiza, Roxas City kag close contact sang una na nga nagpositibo sa amo nga balatian.
10.53-anyos nga babaye nga residente sang San Jose St., Barangay. III, Roxas City kag himata sang una na nga nagpositibo sa amo nga balatian.
11.31-anyos nga negosyante nga residente sang San Jose St., Barangay III, Roxas City kag himata sang una nagpositibo sa amo nga balatian Tanza.
12. 21-anyos nga lalaki nga residente sang San Jose St., Barangay III, Roxas City. Kag himata man sang una nga nagpositibo sa amo nga balatian.
72 diri ang active cases ukon nga ginabulong sa opistal samtang 90 ang nag-ayo na sa amo ng balatian kag 19 na ka mga covid patients ang ginabawian na sang kabuhi.
