ROXAS CITY – Madinalag-on ang ginpatigayon nga culminating activity sang mga katapo sang Bureau of Fire Protection (BFP) kadungan sa pagtakup sang Fire Prevention Month subong nga adlaw.
Sa interview sang Bombo Radyo kay FSINSP. Jesus Valenzuela, Acting Fire Marshal sang BFP-Roxas, suno diri, ang amu nga kahiwatan ang ginpatigayon sa bug-os nga pungsod.
Nagpasalamat man si Valenzuela sa PNP, Philippine Coast Guard, Local Disaster Management City kga Provincial kag mga ka-partner nga mga establisyemento nga nangin kabahin sang kampanya sa paglikaw sa sunog.
Nahibaluan nga nakabalhag sang 5 ka fire incidents sa syudad, sa bulan sang Marso, kun sa din 3 diri ang grassfire, 1 ka vehicular fire kag 1 ka establisiyemento komersyal.
Mas manubo ini, ikumparar sang nagligad nga tuig sa kapareho man nga bulan.
Nagapangabay ang opisyal sa publiko nga kun mahimo tandaan ang numero sang BFP, agud mangin madasig nga maparespondehan sa mga bumbero pananglitan may sunog.
