Nagpakigbahin ang Hepe sang Dao Municipal Police Station sang accomplishment sang ila talatapan .
Sa interview sang Bombo Radyo kay Police Captain Rey Contreras Dordas, Hepe sang Dao Municipal Police Station, iya ginpahayag nga sa iya pagpungko bilang Hepe sa sulod sang isa ka bulan nakapatigayon sila nga makapa-surrender sang mga loose firearm, wanted persons, kag pag-implement sang Municipal Ordinance.
Suno pa kay Dordas, padayon ang ila nga kampanya batok sa illegal nga droga, mga nagapatigayon sang illegal nga bulahaton agud man mamintinar ang kalinong kag katawhay sa palibot sang banwa sang Dao.
Pahayag pa niya, daku gid nga bulig ang ginahatag sang local government unit kag barangay council sa pagpatigayon sang mga kampanya batuk sa iligal nga buluhaton kag krimen.
Nagapanawagan man ang natungdan sa kooperasyon sang tanan nga pumuluyo sang banwa sang Dao nga kon may yara sang nagapatigayon sang mga illegal nga aktibidad mag-report sa ila nga tatalatapan agud padayon nga mapabilin ang kalinong kag katawhay sang palibot sa banwa sang Dao.
