Ginalauman nga subong na nga tuig 2026 maumpisahan sang Australia ang defense infrastructure sa lima ka mga military sites sa Pilipinas.
Ang mga military base nga natumod sang Australia ang lunsay yara sa Luzon bilang kabahin sang strategic partnership sa tunga sang duha ka mga pungsod.
Suno kay Bombo Denmark Suede, International Correspondent sa Australia, ang ini nga tikang sang Australian officials amo ang pagsuporta sa operational readiness sang duha ka mga pungsod samtang ginatahod ang soberanya sang Pilipinas.
Pahayag niya, isa man sa mga rason sang Australia sa pag-invest sa nasambit nga proyekto amo bangud sa pagbaylo sang security situation sa Indo-Pacific region.
Gintumod sini ang nagadugang nga military presence sa West Philippine Sea nga ginakabig nga mayor nga concern.
Dugang pa sang natungdan, ang upgrades sa pasilidad ang agud man sa pagpabaskog sang militar sang Pilipinas.
Ini ang ginapatihan nga makabulig sa logistics, training kag joint exercises sa tunga sang Philippine Armed Forces kag Australian Defence Force.
