Ginaduso sang Department of Agriculture (DA) ang pagpasar sang kasuguan nga magatugot sa National Food Authority (NFA) nga direkta nga magbakal sang bugas kag mais gikan sa mga lokal nga mangunguma kag kooperatiba.
Suno kay Agriculture Secretary Francisco Tiu Laurel Jr., ang proposal isa ka pagbalik sa tradisyonal nga procurement powers nga yara na antes ang Rice Tarrification Law.
Dugang pa sang natungdan, ang nasambit nga proposal ang kabahin sang gin-amyendahan nga Rice Tariffication Law sa idalom sang Rice Industry Competitive Enhancement Act nga gin-file ni House Speaker Martin Romualdez.
Pahayag pa niya, nga ang mais indi lang tal-us sa bugas sa Visayas kag Mindanao kundi isa ini ka auxiliary feed nga ginakonsumo sa sektor sang manok kag kasapatan.
