-- ADVERTISEMENT --
Ginpasiguro sang Department of Agriculture (DA) ang padayon nga pagnubo sang presyo sang bugas tubtob sa masunod nga tuig.
Suno kay Agriculture Assistant Secretary Arnel de Mesa, apisar nagsaka ang presyo sang utan, isda, kag karne, padayon naman nga naganubo ang presyo sang bugas bangud sa padayon man nga pagnubo sang international market price.
Bangud man ini sa dako nga rice production sa iban nga pungsod partikular sa India kag Vietnam.
Magluwas pa diri, ginpahayag sang opisyal, nga makita naman ang epekto sang ginapatuman nga temporary rice importation ban.
Ginpasalig man sini nga indi man tuman nga maapektuhan ang farm gate price sang humay sang lokal nga mga mangunguma.
-- ADVERTISEMENT --
