Ginpasiguro sang Department of Health (DOH) nga padayon nga makabaton sang health services benefits gikan sa Philippine Health Insurance Corporation (PhilHealth) ang mga miyembro sini sa pihak nga wala sang mabaton nga pondo ang ahensya sa 2025.
Ini matapos ginpahayag sang mataas nga panalgan sang Kongreso nga wala sang mabaton nga pondo ang ahensya sa 2025 bangud sa P600 billion nga reserve funds sini.
Kumpyansa man ang health bureau nga trabaho sang PhilHealth nga bayaran ang tanan nga health services sang mga miyembro sini apisar pa wala ini sang nabaton nga pondo sa General Appropriations Act.
Suno kay DOH Secretary Teodoro Herbosa nga isa sa board chairperson sang PhilHealth, ang benefits sang tanan nga inpatient, outpatient, kalakip ang special benefit packages nga offer sang PhilHealth ang dapat masabat sang ahensya.
Sa report sang DOH ang total benefit expenditures sang PhilHealth sadtong 2023 ang naglab-ot sa P74 billion, samtang sadtong 2024 ang total expenditures sini humalin sadtong Enero tubtob Setyembre ang naglab-ot sa P135 billion kag naka-income suno diri ang ahensya sang P463.7 billion sadtong 2023.
