Ginalantaw na sang Department of Public Works and Highways (DPWH) kag sang Ombudsman ang posible kaangtanan sang mag-asawa nga contractor nga sanday Curlee kag Sarah Discaya sa CLTG Builders nga ginapanag-iyahan sang amay ni Senator Christopher Lawrence “Bong” Go.
Suno kay DPWH Sec. Vince Dizon, naistoryahan na nila ni Ombudsman Jesus Crispin Remulla ang tuhoy sa koneksyon sang mga Discaya sa nasambit nga construction firm.
Ginpahayag naman ni Remulla nga nagpamalibad ang mag-asawa nga Discaya nga ibuyagyag ang detalye sang partnership nila sa CLTG Builders.
Una na nga ginpahayag ni Senator Go nga wala siya sang kahilabtanan sa operasyon sang Negosyo sang iya pamilya.
Nahibaluan nga ang mag-asawa nga Discaya ang indi na magkooperar sa Independent Commission for Infrastructure nga naga-imbestiga sa mga maanomaliya nga government projects.
Pahanay ni Dizon, madulaan na sang tyansa si Sarah kag Curlee nga mangin state witnesses nga amo ang ila ginahandum kun magapakatig-a ang mga ini nga magkooperar sa gobyerno.
