ROXAS CITY – Yara na sa 100 porsyento nga nakapangkakas sang mga campaign materials ang mga personnel sang Department of Public Works and Highways (DPWH) sa ginapatigayon nga “operation baklas” sa mga dalanon partikular na sa mga national highway nga sakop sang 1st District sang probinsya.
Ini ang ginpahayag sang chief sang construction and maintenance division sang DPWH, Capiz 1st Engineering dirstrict nga si Eng. Julius Abela sang mainterview sang Bombo Radyo.
Suno kay Abela nga pagkatapos sang adlaw sang eleksyon sang Mayo 13, otomatiko nga nagpatigayon sila sang operation baklas sa mga political campaign materials kag posters sa mga dananon.
Ginpahayag sini nga wala na nila ginhulat ang mga kandidato apisar nga ila ini obligasyon nga kakason ang ila mga campaign materials kag election paraphernalia nga nakapilit sa kilid sang dalanon.
Nahibaluan nga sandig sa election rule dapat gilayon nga kakason sang mga nagpapili ang ila mga campaign materials pagkatapos sang adlaw sang eleksyon.
