ROXAS CITY – Ginatugyan na ni Hospital Management Section Head Dr. Alex Nolasco kay Capiz Governor Esteban Evan Contreras ang pagdesisyon kun ikansela ang pila ka mga mga palaaboton nga aktibidad sa probinsya kaangay sang selebrasyon sang Capiztahan 2020 sa bulan sang Abril subong man ang mga graduation kag closing ceremonies sa mga eskwelahan.
Mahibaluan nga ginpakamaayo sang iban nga probinsiya ang pagpaiway sang ila palaabuton nga mga aktibidad nga mahimo dugokan sang madamo nga tawo kasunod sang pagpaidalum sa pungsod sa state of public health emergency sa pungsod bangud sa pamahog sang coronavirus disease 2019 (COVID-19).
Samtang natalana nga magpatigayon sang press conference ang gobyerno probinsiyal karun sa hapon kun sa diin pagahinalaan ang may kaangtanan sa natalana nga selebrasyon sang Capiztahan 2020 sa Abril.
