Nasolusyunan na ang nagbara nga drainage canal sa Mercedes Subdivision kag Mercedes Subdivision Extension.
Sa interview sang Bombo Radyo kay Punong Barangay Wenie Batuampo, sang Brgy. Dayao, Roxas City, iya ginpahayag, nga ginkutkutan na ini gamit ang backhoe sa amo nga drainage canal sa lugar.
Suno kay Batuampo, dugay na ini nga problema sa diin halos 20 ka tuig na ang nakalipas sang una ini nakutkutan.
Nagpasalamat man ini sa mga residente kag kay Mayor Ronnie Dadivas nga nagpatigayon sang amo nga tikang, rason nga nag-ayo na ang daloy sang tubig bisan may gamay pa nga bara.
Dugang pa ni Batuampo, nga balikan pa ang lugar sa bwas nga adlaw para sa clean-up drive, kag nagpanugyan sa publiko nga ang basura dapat ihaboy sa husto nga basurahan agud indi na magbara liwat sa mga canal.
