ROXAS CITY – Nagpanawagan ang Capizeño driver nga nasal-an nga anay kumander sang Roger Mahinay Command, Komiteng Rehiyon-Negros sang (CPP-NPA) nga tinluan na sang Police Regional Office 6 kag 61st Infantry Battalion Philippine Army ang iya nga pangalan kag pamatud-an nga indi siya si Virgilio Paragan nga may kaso nga murder kag frustrated murder kag nasal-an lamang sang mga otoridad.
Ginhimo ni Baltazar Saldo alyas Asan ang demanda bangud humalin nga ini ang na-released sa kostodiya sang mga otoridad matapos nakumpirma nga indi siya ang anay kumander sang NPA, wala pa nahatagan sang kaklaruhan sang PNP kag Philippine Army ang iya pangalan.
Suno kay Saldo nga luyag lamang sini nga tinluan ang iya pangalan bangud aminado ini nga apektado na ang iya trabaho kag ang iya pamilya sa nagakahinabo
Apang ginklaro sini nga wala siya sang plano nga magpasaka sang kaso batuk sa PNP kag militar sa pihak nga na-trauma ini sa natabo sa iya
