-- ADVERTISEMENT --
DUMARAO- Pilason ang isa ka driver sang motorsiklo matapos nga aksidente bumunggo sa isa ka elf truck sa Barangay Poblacion Ilawod, Dumarao, Capiz.
Ginkilala ang driver sang motorsiklo kay Clito Igaras 25-anyos sa Barangay Cubi, Dumarao.
Base sa imbestigasyon nga samtang ginasubay sang elf truck nga ginamaneho ni Juan Alsosa 43-anyos sang Barangay San Isidro, Buenavista, Guimaras ang dalanon gikan sa probinsya sang Iloilo padulong kuntani sa Barangay Bolo sining siyudad sang hinali na lamang nga nag-overtake ang amo nga motorsiklo sa isa ka bus rason nga nagsumalang ini sa elf truck kag bumunggo.
Bangud diri, nag-angkon sang mga kasamaran sa lawas ang biktima nga madasig naman gindala sa ospital.
