Bali ang tiil sang driver sang motorsiklo matapos mabunggoan sang mini van sa Barangay Cogon, Panay, Capiz.
Ang biktima amo si alyas Rocky, residente sang Ivisan, Capiz kag ang driver sang mini van amo si alyas Arthur, 51 anyos kag residente sang Brgy. Población Ilawod, Pontavedra, Capiz.
Sa interview sang Bombo Radyo kay Police Capt. Eric Deocampo, hepe sang Panay Municipal Police Station,iya ginpahayag nga padulong kuntani ang motorsiklo sa banwa sang Panay kag padulong naman sa Pontevedra ang driver sang mini van.
Suno kay Deocampo, madasig ang pagpadalagan sang mini van amo ang nangin rason sa pagkadula sang kontrol kag gilayon nabunggoan ang driver sang motorsiklo.
Handa naman nga sabton sang driver sang mini van ang hospital bill sang biktima.
Nagpanugyan man ang hepe sa mga motorista nga maghalong sa pagmaneho agud nga malikawan ang mga aksidente sa dalan.
