ROXAS CITY – Patay ang driver sang motorsiklo, matapos nagbunggo sa pirtahan sang isa ka taxi sa Barangay Switch, Tapaz, Capiz.
Ginkilala ang biktima nga si Benny Capugauan sang Cabug Cabug, Molo, Iloilo nga nag-angkon sang patal nga pilas sa ulo.
Ba-se sa inisyal nga imbestigasyon sang Tapaz Municipal Police Station nga nagpondo ang taxi nga ginamaneho ni Tommy Gerapusco, isa ka barangay kagawad sang amo nga lugar sa atubang sang ila nga balay.
Apang natabuan nga sa pagbukas sini sang pirtahan sang taxi, hinali nga nag-overtake sa nawala nga porsyon sang dalan ang biktima rason nga nagbunggo ini kag bangud sa impact, nagtabog si Capugauan kag naglampus ang ulo sa matig-a nga bagay.
Samtang sa pagdala sa biktima sa ospital, gindeklara ini nga dead on arrival sang doktor.
Sa karon yara na sa kostodiya sang kapulisan sa Tapaz ang driver sang taxi nga si Gerapusco.
