Driver sang motorsiklo pilason matapos aksidente nga nabungguan ang signboard kag stockpile sa dalanon

ROXAS CITY – Nag-angkon sang pilas sa ulo kag magkatuhay nga parte sang lawas ang isa ka persona matapos nga aksidente nabungguan sang ginamaneho nga motorsiklo ang isa signboard kag stockpile sa boundary sang Barangay Cagay kag Dinginan.

Ginkilala ang biktima kay Arturo Vallez sang Sitio Agbatang, Barangay Cudian, Ivisan, Capiz.

Base sa inisyal nga imbestigasyon sang Roxas City PNP nga samtang ginasubay sang biktima ang nasambit nga dalanon, wala sini nadiparahan ang gina-construct nga dalan rason nga aksidente sini nabungguan ang signboard kag stockpile.

Bangud diri, tumampilak sa dalan ang biktima kag nag-angkon sang mga kasamaran sa lawas.

Madasig naman nga gindala sa ospital ang biktima agud dapatan sang nagakaigo nga pagbulong.