SILAY CITY – Nakilal-an na ang duha ka napatay kag pito ang napilasan sa nagluntad nga shooting incident sa sitio Ipil-Ipil, Brgy Mambulac, ciudad sang Silay, Negros Occidengal, subong nga aga.
Ang mga napatay ang ginkilala nga sanday Albert Salimbot, yara sa legal nga edad, residente sang Hda. Macamig Pulo, Brgy E. Lopez kag Ronnie Piedad, 45 anyos, residente sang Zone 7, Purok Ipil-Ipil, Brgy Mambulac samtang ang mga pilason naman ang ginkilala nga sanday Ruel Espinosa, 42, anyos, Purok Highway, Zone 15, Talisay City; Ric Ortillano, 46 anyos, residente sang Hofileña Subd, Brgy Mambulac; Wilfredo Cuello, 46 anyos, residente sang PLDT Baybay, Brgy Mambulac; Jason Belleza, legal ang edad, residente ang Yolanda Housing, Brgy E. Lopez; Joey Pomares, residente sang Brgy Mambulac; Glenn Gutierrez, 49 anyos, residente sang Cabay Bodegam Brgy Guinhalaran, kag may isa pa nga wala nakuhaan sang identity.
Sa interview sang Bombo Radyo Bacolod kay Police Lt. Col. Mark Anthony Darroca, hepe sang Silay City Police Station, yara pa sulod sang compound ang duha ka gina-alegar nga suspetsado samtang at large naman ang suspek nga si Arnie Benedicto, Punong Brgy sang Brgy Lantad.
via Bombo Radyo Bacolod
