ROXAS CITY-Pilason ang duha ka mga persona matapos nga nagbungguanay ang tricycle kag awto sa Calipayan Street, Barangay X, Roxas City.
Ginkilala ang mga nagkalapilasan nga sanday Eduardo Oso, 68-anyos residente sang Barangay Sibaguan sining siyudad kag pasahero sini nga si April Anne Alair residente sang Barangay Tanque sining siyudad.
Sandig sa inisyal nga imbestigasyon sang traffic section sang Roxas City Police Station nagaguwa nga samtang ginsubay sang tricycle ang dalan nga ginamaneho ni Oso, aksidente sini nga na swipe swipe ang awto nga ginamaneho ni Francis Panaguiton, 47-anyos residente sang Sitio Luyo, Barangay Culasi sining siyudad.
Bangud sini nag-angkon sang pilas sa magkatuhay nga porsyon sang kalawasan si Oso kalakip ang pasahero sini nga si Alair nga lunsay ginpangdala sa pinakamalapit nga ospital kag padayon nga ginabulong.
Gina-alegar nga nadulaan sang kontrol sang manibela si Oso rasun nga nabunggo ini sa amo nga awto.
