Ginpanugyanan ni former President Rodrigo Duterte ang iya 13 ka nobya sa Davao City nga magpangita na sang mga nobyo nga may mga credit card.
Ini ang ginbuyagyag kahapon ni Davao City Rep. Paolo Duterte sa isa ka interview sa The Hague, Netherlands nga gin-post ni former presidential spokesperson Harry Roque sa iya nga Facebook page.
Suno kay Davao City Mayor Sebastian Duterte, dapat na nga untaton sang mga babaye nga may relasyon sa iya nga amay ang ila nga mga drama kag away.
Ang panugyan sang anay Presidente matapos nga masambit sang anak sini nga si Veronica “Kitty” Duterte sa iya nga partner nga si Honeylet sa iya nga social media account, nga isa ka babaye nga anay nakatrabaho sang amay ang nagpakuno-kuno nga partner agud makasulod sa pasilidad kun sa diin naka-detain si Duterte.
Suno kay Veronica, indi niya kaya nga palampuwason ang ugali sang nasambit nga babaye kag ginhangkat sini nga magpauli sa Pilipinas agud makaistoryahanay sila.
