ROXAS CITY – Nagpabalhag sa Roxas City PNP ang duwa ka negosyante matapos nga nag pay-in sa Double your money investment scam.
Ang wala na ginhingadlan nga mga persona ang lunsay mga babaye, isa diri ang 45-anyos sang Brgy. Sibaguan, kag 29-anyos residente sang Brgy. Baybay sining syudad.
Sandig sa ila ginpabalhag, nga nagpay-in sila sang kabug-usan nga P280,000 kay Joselito kag Hannelyn Anciano nga ila ginatudlo nga upline sa Double your money investment scam nga ginapanag-iyahan ni Robert Rivera.
Mahibaluan nga nagpay-in sila sang tinalikdan nga bulan sang Enero 28, 2022 kag nagalaom nga mag-doble ang ila kwarta apang wala gid ang mga ini nakapay-out.
Matandaan nga yara sa 121 ka mga investors ang nagpalab-ot sang reklamo sa punong barangay sang Brgy. Baybay kag sa karun nahatagan na ang mga ini sang certificate to file action batok sa mag-asawa nga Anciano.
