ROXAS CITY – Patay ang isa ka empleyado sang Capiz Electric Cooperative (CAPELCO) matapos naaksidente sa Barangay Adlawan, Roxas City.
Ginkilala ang biktima nga si Joel Bautista, 27-anyos, residente sang Barangay Salocon, Panitan, Capiz.
Sandig sa imbestigasyon sang Roxas City Police Station, natabo ang insidente takna alas 2:00 sang kaaganhon, Abril 25, 2025 sang pauli na kun tani sa banwa sang Panitan ang biktima sang hinali ini nga nadulaan sang kontrol sa pagmaneho sa iya motorsiklo rason nga bumunggo sa waiting shed sa Barangay Adlawan sini nga siyudad.
Bangud sa impact sang pagkabunggo, nag-angkon sang pilas sa ulo kag iban pa nga parte sang lawas biktima.
Ginrespondehan sang katapo sang Capiz Emergency Response Team ang insidente kag gintinguhaan pa nga dal-on sa ospital ang biktima agud madapatan sang pagbulong apang gindeklarar nga dead on arrival sang doktor nga nag-atendir.
