Estudyante, nagasaot sa gate agud ma-detect sang iya ginikanan sa CCTV camera nga nakapauli na ini

Ginkalingawan sang mga netizens ang saot sang isa ka babaye nga estudyante sa ila gate agud nga ma-detect sang Closed Circuit Television (CCTV) camera kag mapahibalo sa iya ginikanan nga nakapauli na ini sa syudad sang Baguio.

Ang estudyante amo si Pia Gaerlan isa ka fourth year pharmacy student.

Sa baylo nga magdiretso sa sulod sang balay, si Pia may yara sang moment of groove sa ila gate kag all-out siya sa pagsaot.

Suno kay Pia, ginahimo niya ini agud mag-alerto ang CCTV camera nga may feature nga maka-detect sang tawo nga nagalabay sa guwa sang ila nga balay.

Madamu naman sang mga netizens ang nalingaw kag naglab-ot sa million views ang iya nga video.