Liwat nga nagdaug ang Filipina tennis star nga si Alex Eala kag naghimo sang maayo nga pagsugod sa iya 2026 season matapos ginlutos si Petra Marcinko sang Croatia sa ASB Classic sa Auckland.
Sa score nga 6-0, 6-2, nabatyagan ni Eala ang iya dominante kag natapos ang hampang sa sulod lang sang 1 ka oras kag 12 minutes.
Tatlo ka beses niya nga na-break ang serve ni Marcinko sa una nga set kag wala niya ginhatagan tsansa ang iya kontra bisan isa ka hampang.
Sa ikaduha nga set, naka-iskor si Marcinko sang duha ka hampang apang nagpabilin nga kontrolado ni Eala ang hampang.
Maka-atubang niya sa quarterfinals ang magadaug sa hampang nanday Magda Linette sang Poland kag Elisabetta Cocciaretto sang Italy.
Ang kadalag-an isa ka pagdugang sang kumpiyansa para kay Eala pagkatapos nga nakuha niya ang gold medal sa Southeast Asian Games sang Disyembre 2025.
