-- ADVERTISEMENT --
Nakatutok sa subong si Filipina tennis star Alex Eala nga makakuha sang bulawan nga medalya sa Southeast Asian Games (SEA) Games nga pagahiwaton sa Thailand sa Disyembre.
Suno kay Eala, nagapadayon ang iya paghanas para sa nasambit nga torneo matapos makapasakop sa pila ka WTA tournaments.
Matandaan nga 2022 SEA Games sa Hanoi, Vietnam, ang 20-anyos nga si Eala nagdaug sang bronze medals sa singles, team kag mixed doubles.
Samtang sang tuig 2023 Asian Games sa Hangzhou, nagdaug man siya sang bronze medal.
Nagpahayag man sang pagka-excite si Eala matapos nabatian nga nagaplano ang Pilipinas nga magpatigayon sang WTA tournament.
-- ADVERTISEMENT --
