Nag-viral sang damlag lang ang video sang isa ka food delivery rider sa Hyderabad, southern India bangud sa baylo nga magsakay sa motorsiklo, kabayo ang iya gingamit sa pagdeliver sang pagkaon!
Nagwelga ang tanan nga drayber sang trak sa India, nga nagtuga sang kakulang sang gatong.
Nagtuga ini sang panic buying, nga nagtuga sang malawig nga pila sang mga motorista nga nagadinaguso sa paggasolina. Suno sa report, naglab-ot sang pila ka oras para lang ma-fill-up ang ila mga salakyan.
Ang lalaki sa video ginkilala bilang isa ka delivery rider para sa Zomato, isa ka lokal nga food delivery app sa India. Sa nagviral nga video, makita ini nga nagapaathag nga tatlo ka oras na siya nga nagapila sa gasolinahan. Sa baylo nga mag-uyang sang tion sa paghulat sa pila, nagdesisyon siya nga maggamit sang kabayo sa pagserbisyo sa iya mga kustomer.
Pagkatapos nga nag-viral ang video, ang mga Indian netizens may nagkalainlain nga reaksyon sa food delivery rider. Kalabanan sa ila ang nagpakita sang pagdayaw sa rider bangud sa pihak sang makahalanusbo nga sitwasyon, nakahibalo ini sang paagi agud makadeliver sa customer.
