ROXAS CITY – Click na click sa karon ang sari-sari nga mga gimmick para sa makasaysayan nga summit nanday US President Donald Trump kag North Korean leader Kim Jong Un sa Singapore.
Sa interview sang Bombo Radyo kay Bombo International Correspondent Nea Love Anas, 31 anyos, tumandok sang Mandurriao, Iloilo, nga nagatrabaho bilang agency staff sa Bukit Timah, Singapore, may mga gimmick sa karon ang tagsa ka mga bars kag restaurants sa city center sa diin patigayunon ang makasaysayan nga pagkit-anay sang duha ka mga lider.
Madamo suno sa iya sang nagabantay sa Trump-Kim burger nga ipanagtag sang libre sa publiko subong nga adlaw.
Ang nasambit nga burger ang kombinasyon sang US kag Korean flavour kadungan sang historic event nga patigayunon sa nasambit nga pungsod.
May pila ka mga bars and restaurants man suno sa iya nga naga-offer sang ‘Trump’ kag ‘Kim’ cocktails.
Sa karon, nakatutok na ang tanan para sa nagahilapit nga pagkit-anay sang duha ka mga lider sa diin igapakita sa mga big screens sa pila ka mga lugar sa city center sang Singapore ang ila nga pagkit-anay.
