-- ADVERTISEMENT --
ROXAS CITY – Nagpa-blotter sa Roxas City Police Station ang isa ka 30-anyos nga ginang matapos nga ginaalegar sudlon kuntani ang ila balay sa Capricho II, Barangay Tanque, Roxas City.
Suno kay Dane Denise Daniel, sang Barangay San Pedro, Jaro, Iloilo City nga samtang nagakatulog ini sa sala hinali na lamang ini nakabati sang huni nga kasubong ginaabrihan ang ila sini bintana.
Ginaalegar sang tagreklamo nga nakita niya mismo ang kamot sang suspek nga tinguhaan kuntani nga lab-uton ang door knob sang pirtahan rason nga nagbangon ini kag didto natigayon nga mabuksan sang wala matumod nga persona ang pirtahan.
Bangud diri, ginpakamaayo na lamang sang tagreklamo nga ipa-rekord sa pulisya ang insidente.
