Ginapahayag nga pagkaapruba sang Divorce Bill sa pungsod, ginpanginwala sang Malacañang

Gin-athag sang Presidential Communications Office (PCO) nga fake news ang mga nagalapta nga balita natuhoy sa ginapahayag nga pagka-apruba sang Divorce Bill sa pungsod.

Suno sa PCO, yara pa sa karon sa proseso sang pag-usisa ang estado sang House Bill 9349 kag wala pa nangin ganap nga layi.

Gin-aprubahan sang House of Representatives ang panukala sa ikatatlo kag ulihi nga pagbasa ang House Bill 9349 sang May 2024.

Kag sa karon, yara pa lamang ini sa Senado para sa dugang nga deliberasyon kag pag-apruba.

Panawagan sang PCO sa publiko, pagatun-an ang mga impormasyon nga nabasahan sa social media kag magabulig ang mga ini nga mapunggan ang paglapta sang sala nga impormasyon.