ROXAS CITY – Kooperasyon sang publiko kag mga motorista ang ginapangabay sang Roxas City Government sa kadalag-an sang programa nga tinutuyo nga kay-uhon ang dalagan sang trapiko kag tinluan ang Teodoro Arcenas Trade Center.
Aminado ang gobyerno sang syudad nga indi pa perpekto ang resulta sang ginpatigayon nga dry run sa clearing sang merkado, apang may dako na nga pag-ayo sa sistema kag ini ang magapadayon tubtob maplastar na ang tanan sa eksakto nga lugar.
Talalupangdon ang pagtinlo sang palibot kag paghalog sang trapiko sa porsyon sang karsada ang ginhimo anay nga parkingan kag baligyaan.
Nagapati naman si Mayor Ronnie Dadivas nga pinaagi sa suporta kag pagbuligay sang tanan nga stakeholders maangkon ang ginahandum sang tanan nga isa ka matahum kag matinlo nga merkado.
