ROXAS CITY – Ginpasalig ni Governor Esteban Evan Nonoy Contreras nga padayunon ang financial assistance kag scholarship sang gobyerno probinsiyal.
Dulaon lamang ang pangalan nga “Aksyon Agad” nga gingamit sang nagligad nga administrasyon bangud indi ini ginapanag-iyahan sang bisan sin-o nga pulitiko kundi kuwarta ini sang pumuluyo.
Apang ba-se sa inisyal nga impormasyon nga nakuha sang gobernador nga naubos na ang pondo sa financial assistance kag scholarship.
Apang tingwaan sa gihapon sang gobernador nga mapangitaan sang solusyon agud mabuligan ang mga nagakinahanglan kag deserving nga mga estudyante.
Dapat man nga mangin investment friendly ang probinsiya agud makaganyat sang dugang nga investors kag makabulig sa pagsanyog sang ekonomiya sang probinsiya.
Ginpasiguro pa ni Contreras nga himoon sini ang ginpromesa sang nagapangampanya nga bisitahan ang mga kabaranggayan agud personal nga makita kag maestorya ang mga pumuluyo.
Samtang liwat nag-apelar si Governor Contreras sa nangin kasumpong sa pulitika ukon sa mga kritiko sini nga ilubong na sa limot ang nagligad kag magbulig na lamang sa gobyerno para sa kaayuhan sang mga pumuluyo.
