ROXAS CITY – Dakop ang 17-anyos nga grade 10 student matapos makitaan nga nagadala sang armas luthang samtang nagapatigayon sang Oplan Bakal, Oplan Sita ang mga kapulisan kagab-i sa Barangay Ilawod, Pontevedra, Capiz.
Ang nasambitan nga 17 anyos nga lalaki ang ginkilala kay alyas toto residente man sang nasambit nga banwa.
Suno sa mga kapulisan, samtang nagapatigayon sang Oplan Bakal, Oplan Sita ang mga ini sang natalupangdan ang amo nga menor de edad nga may nagabukol sa iya hawak kag sa pagtsekyar nila, nakuha ang 1 pistolize homemade 12 guage shotgun kag 2 ka mga shotshells sang bala nga nakuha naman sa iya bulsa.
Gin-aresto sang mga kapulisan ang nasambitan nga menor de edad matapos wala sang may ginpresentar nga nagakaigo nga dokumento.
Paglapas sa RA 10591 in relation to Comelec Gun Ban RA 10728 ang bayulasyon sang arestado.
Sa karun sa kustudiya ini sang WCPD section sang Pontevedra PNP para sa naga kaigo nga disposisyon.
