Nagapanawagan ang Paghugpong sang mga Mangunguma sa Panay kag Guimaras (PAMANGGAS) sa Department of Agriculture (DA) siguruhon nga husto ang pag-alokar sang ₱2.06 billion nga pondo para sa farm-to-market roads.
Sa interview sang Bombo Radyo kay Lucia Capaducio, chairperson sang PAMANGGAS, iya ginpahayag nga dapat i-prayoridad sang Department of Agriculture ang mga proyekto nga
direkta nga makabulig sa mga mangunguma kag sa komunidad, ilabi na ang mga lugar nga mabudlay ang transportasyon kag apektado sang kalamidad.
Suno kay Capaducio, importante ang mga farm-to-market roads nga ipatindog sa mga lugar nga may aktibo nga produksyon agrikultural agud mapadasig ang pagbiyahe sang mga
produkto pakadto sa merkado, kag malikawan ang pagkausik sang mga ani.
Dugang pa sang natungdan, dapat mangin transparent ang pagpili sang mga proyekto kag may konsultasyon sa mga lokal nga mangunguma agud masiguro nga ang pondo sang gobyerno
magamit sa mga imprastraktura nga may daku nga benepisyo sa sektor sang agrikultura.
