Nagapanawagan ang grupo sang local sugar industry nga tun-an ang nagapadayon nga importation sang kalamay sa pungsod.
Sa interview sang Bombo Radyo kay Wennie Sancho, convenor sang Save the Sugar Industry Movement, iya ginpahayag nga nagasarurot ang produksyon sang local nga kalamay bangud mas ginapili sang mga consumer kag pila ka mga tag-iya sang negosyo ang mas manubo nga presyo sang kalamay nagikan sa Guha sang pungsod.
Suno kay Sancho, ang pagpagwa sang Sugar Order no.2 kag 3 sang Sugar Regulatory Administration (SRA) ang nagdugang pa gid sang kabudlay sa baligyaanay sang kalamay sa merkado.
Pahayag pa niya, ang pagpanubo sang milled gate price kag dugang nga subsidy sa mga manugtanum sang tubo ang isa sa mga solusyon kag indi ang importasyon sang kalamay.
Nahibaluan nga masobra 700,000 ka mga mangunguma ang daku nga maapektuhan sa tion nga mag-untat sa pagtanum ang pila ka mga tag-iya sang hacienda kag kampo sa Negros Island kag Panay Island.
Dugang pa sang natungdan, pamatian kuntani kag hatagan sang aksyon sang Sugar Regulatory Administration (SRA) kag Department of Agriculture ang ila madugay na nga panawagan agud indi na maglab-ot sa punto nga mangin dependent na ang Pilipinas sa kalamay sa iban nga pungsod.
INTERVIEWED BY: BOMBO VINZ DEOCAMPO
