lunsay nagsilak ang Fashion Icon nga si Heart Evangelista kag ang Filipino American content creator nga si Bretman Rock bilang cover stars sang ginlunsar nga isyu sang isa ka beauty brand magazine sa Pilipinas.
Sa isa ka video, ginpaambit ni Heart ang kalingawan sa likod sang mga eksena gikan sa ila cover shoot sa social media.
Sa nasambit nga video, makit-an ang duha nga naga-enjoy kag nagakadlaw sa tunga-tunga sang shots, samtang ginapakita ang ila intense poses sa atubang sang lens sang kilala nga photographer nga si Mark Nicdao.
Sa cover photo sang duha sa social media sadtong Miyerkules, kun sa diin ginlaragway sanday Heart kag Bretman nga “perfect image of the modern Filipino.”
Madumduman nga nagbisita si Bretman sa Pilipinas kaupod ang iya nobyo nga si Justin Fester, sa diin ila ginlibot ang El Nido kag Bohol.
Sa iya pagpauli, nakilala man niya ang ido ni Heart nga si Panda, subong man ang influencer nga si Mimiyuuuh. Si Bretman nangin bag-o man nga nawong sang kilala nga mga kosmetiko sa pungsod.
