ROXAS CITY – Wala problema kag pagasundon sang hepe sang Provincial General Service Office (PGSO) kun luyag bawion sang provincial government ang 56 ka ‘Kabalaka’ transport vehicle sa mga ginpanghatagan nga kabarangayan sa probinsya.
Ini ang ginkumpirmar ni Mr. Eduardo ‘Boy’ Apaap, sang mainterview sang Bombo Radyo.
Suno diri, nga nakasiling ang Sanggunian sa iya nga luyag nila bawion ang amu nga mga salakyan, apang wala pa sang pormal nga mandu nagikan sa legislative department natuhoy diri, rason nga indi man sini mamanduan ang mga resipiyente nga ipangbalik ang nasambit nga transport vehicle.
Nahibaluan nga wala pa na-transfer sa recipient ang panag-iya sang amu nga behikulo bangud kinahanglanon pa diri ang Deed of Donation nga magaagi sa Sangguniang Panalalawigan.
Yara man sa terms and condition sa acknowledgement receipt nga pirmado sang mga resipyente, nga nagasiling nga mahimo ini bawion sang provincial government kun kinahanglanon.
