ROXAS CITY – Amat-amat nga nagahina ang Hurricane Ian sa paglaslas sa nabagatnan-nakatungdan sang Florida samtang ginasubay sini ang lugar padulong sa Atlantic Coast nga may kabaskugon sang hangin nga 150 mph ukon 241 kph.
Sa interview sang Bombo Radyo kay Bombo International Correspondent Linda Schubel, direkta sa Florida, USA, gintuad sini nga ang category 4 nga Hurricane Ian ang nagtuga sang madamo nga kahalitan kun sa diin apektado ang kapin 2.5 milyon nga indibidwal bangud sa pagkadula sang kuryente.
Maluwas pa diri, madamo sang mga persona ang nastranded sa ila mga panimalay bangud sa pagbaha kag pagpili nga indi mag-evacuate.
Suno kay Schubel, ang hurricane Ian ang isa sa pinakabaskog nga hurricance nga nag-igo sa United States sumugod sang 2004 kun sa diin gindoble sini ang kabaskogon ni hurricane Charlie.
Ginsiling man sini nga wala man sang natabo nga panic buying bangud sa sitwasyon maluwas gid lamang sa tubig kag kerosene.
Napilitan naman nga mag-evacuate ang yara sa nakatungdan nga bahin sang Florida agud malikawan ang mas daku nga kahalitan.
Sa karon, wala pa sang nabalhag nga nagkalamatay bangud sa hurricane.
