ROXAS CITY – Mabatyagan ang kasubo sa nabilin nga mga anak kag bana sang isa ka ginang nga napatay sa sunog kalakip ang isa pa ka anak sa ginarentahan nga balay sa Purok 1, Barangay Libas, Roxas City.
Tulala kag indi halos makahambal ang padre de pamilya nga si Melvin Solis samtang ginatan-aw sini ang nasunog nga bahay sa diin dimalas nga wala nakaguwa ang asawa nga si Josefa Progio kag Grade 6 pupil nga anak nga si Charlotte.
Padayon nga ginabulong sa ospital ang duha sa tatlo ka mga anak sang mag-asawa nga Melvin kag Josefa nga nakaluwas bangud sa naangkon nga mga paso sa lawas.
Sa exclusive interview sang Bombo Radyo Roxas kay alyas Toto, hinipo sa apat ka mga anak sang mag-asawa, ginpahayag sini nga ginpukaw sila sang ila iloy kag gilayon nga gindala sa CR kag ginpaagi sa bintana.
Nakaguwa na sa bintana sanday Joy Faith 13, Noemi Grace 12 kag alyas Toto 7 apang wala nasarangan sang isa pa ka anak nga si alyas Charlotte, bangud posible nga na-suffocate na ini sa usok.
Tobtob nadulaan ini sang animo kag kaupod sini ang iloy nga wala ginbayaan ang anak.
Samtang narekober sa CR ang bangkay sang mag-iloy nga nagakup-anay kaupod ang tatlo ka mga hinuptan nga ido.
