-- ADVERTISEMENT --
ROXAS CITY – Personal nga nagparekord sa pulisya ang isa ka iloy matapos naaksidente ang iya sini anak sa Barangay Dinginan, Roxas City.
Suno kay Claudette Balgoma, 63 anyos sang Sitio Patag, Barangay Lawaan sining syudad nga ginaalegar sini nga naaksidente sa kaugalingon nga motorsiklo ang iya bata nga si Kenneth Balgoma, 25 anyos sa dalanon sang Barangay Dinginan sining syudad kag nag-angkon sang pilas sa magkatuhay sini nga parte sang lawas kag sa karon padayon nga ginabulong sa ospital.
Bangud diri, ginpakamaayo na lamang sang iloy sang biktima nga ipa-rekord sa pulisya ang insidente.
