Ginsigurado sang gobyerno sang Iran nga bukas sa gihapon para sa pangkalibutanon nga trading ang Strait of Hormuz, apang hugot nga ginadumilian ang mga barko sang Estados Unidos kag Israel.
Suno kay Iranian Foreign Minister Abbas Araghchi, ang pagdumili ang para lamang sa mga sakayan pandagat sang ilang ginakabig nga mga kalaway. Ginapahanugutan pa man ang tanan nga iban ka mga barko nga wala sang kahilabtanan sa ila nga mga kaaway.
Ang Strait of Hormuz ang isa ka kritikal nga ruta, kun sa diin naga-agi ang mas ukon menos 20% sang langis sa bilog nga kalibutan nagikan sa Gulf region.
Nahibaluan nga sang mga tinalikdan nga semana, pila ka mga insidente sang pagpang-bomba sa mga barko, kalakip ang isa ka vessel sang Thailand, ang nabalhag sa tunga sang nagadako nga tensyon sa rehiyon.
