Ginkumpirma ni US President Donald Trump, nga napatay na ang Iranian Supreme Leader nga si Ayatollah Ali Khamenei matapos ang malapnagon nga opensiba sang Israel kag Estados Unidos batuk sa Iran sang Sabado.
Ginsiling nga nasapwan ang iya nga lawas matapos ang atake, samtang ginreport sang Israeli military nga pila ka mga matag-as nga opisyal sang Iran, kalakip ang Defense Minister kag commander sang Revolutionary Guards, ang napatay man.
Nagbalos ang Iran pamaagi sang pagpalupok sang ginatos nga missile kag drones sa Israel kag iban pa nga Gulf states, samtang nag-angkon sang kahadlok kag kahangawa sa mga nagapanguna nga syudad sa Iran.
Sandig sa report, ginapahayag 85 ka-tawo ang napatay sa isa ka eskwelahan sa Minab, Iran, apang wala pa ini nakumpirma.
Nagpaandam si Trump nga magapadayon ang bombardment tubtob nga malab-ot ang katuyuan nga kalinong sa Middle East kag sa bilog nga kalibutan.
