Ginserbihan sang warrant of arrest ang isa ka lalake matapos nagsulod sa isa ka puluy-an sa Pueblo de Panay, Brgy. Lawaan, Roxas City.
Ang nadakpan amo si alyas “Ric” 41-anyos kag residente sang Mejorada Subdivision, Brgy. Inxo, Roxas City.
Sa impormasyon nga nakuha sang Bombo Radyo nagikan sa Roxas Component City Police Station, ginapahayag nga ang nasambit nga warrant of arrest ang gin-isyu ni Hon. Jenny Ann T. Logronio, Presiding Judge sang Municipal Trial Court in Cities, Branch 1, Roxas City nga may petsa Abril 15, 2021.
Samtang, ginrekomenda naman ang P24,000 para sa temporaryo sini nga kahilwayan.
Sa subong, yara na ini sa kustodiya sang Roxas Component City Police Station para sa nagakaigo nga disposiyon kag natalana naman nga iga-turn-over sa korte nga nag-isyu sang nasambit nga arrest warrant.
