Magahatag sang padya ang isa ka lalaki sa Massachusetts sa pagbalik sang iya wallet matapos ini nga ginkuha sang isa ka seagull sa guwa sang grocery store.
Si Noah Karberg sang Nantucket nagsiling nga nagbiyahe siya sa Stop & Shop pagkatapos sang adlaw nga siya ang nagpangisda sa isa ka isla.
Sa pahayag ni Karberg, iya ginbutang ang iya telepono kag wallet sa tray sa ibabaw sang shopping cart, nga nagapabilin didto samtang siya nagabutang sang groceries sa iya truck.
Suno sa iya, ginkuha niya ang nabilin nga mga bag sa backseat, nagbalik sa shopping cart, apang didto nakita sini nga may seagull nga nagapungko sa cart, kag direkta nga ginkuha ang iya wallet kag naglupad.
Bangud diri, nagkuha si Karberg sang video samtang ang seagull nagpadulong sa atop sa malapit nga car wash kag nag-umpisa sa pag-usisa sang sulod sang wallet.
Matapos ang amo nga hitabo, nagsulat si Karberg sa lokal nga group sa isa ka social media platform nga bisan sin-o nga makakita sang wallet mahimo magkuha sang nabilin nga kwarta kag nagahatag siya sang dugang nga $100 ukon P5,600 nga cash reward para sa pagbalik sang iya lisensya kag mga card.
