Nagdangat sa kapin P61, 500 ang nangin kahalitan sa nagluntad nga sunog sa Barangay Manibad, Mambusao Capiz.
Ginapanag-iyahay ang amo nga puluy -an nanday Roselyn Villa, 45-anyos kag bata sini nga si Roniel Villa, 28-anyos nga lunsay mga residente sang nasambit nga lugar.
Sa interview sang Bombo Radyo Kay FO1 Vergel Gustilo, imbestigador sang BFP Mambusao ginpahayag sini nga totally burned ang duha ka puluy-an nga naulamid sa amo nga sunog.
Pahayag pa sini nga human sa mixed kag light materials ang amo nga puluy-an rason nga madasig ini nga naglapta ang kalayo.
Ginapatihan naman nga bangud sa daan kag dikit-dikit nga electrical wirings ang gintunaan sang amo nga sunog.
Sa karon, padayon pa ang imbestigasyon sang katapo sang bombero angut sa nasambit nga sunog.
